Ymunwch â’r bartneriaeth

Helpu Ysgolion i Feithrin Athrawon y Dyfodol

Mae Partneriaeth TAR y Brifysgol Agored yn rhwydwaith Cymru gyfan o ysgolion, awdurdodau lleol a phartneriaid addysg sy'n cydweithio i ddatblygu'r genhedlaeth nesaf o athrawon.

P'un a ydych yn awyddus i recriwtio aelodau staff y dyfodol, datblygu cydweithwyr presennol neu gryfhau eich cyfraniad at addysg athrawon, mae ein model partneriaeth hyblyg yn galluogi ysgolion o bob maint a chyd-destun i gymryd rhan.

Recriwtio Athrawon y Dyfodol

Noddi a chyflogi eich athrawon dan hyfforddiant eich hun drwy ein llwybr cyflogedig
Cael mynediad at grantiau cyflog Llywodraeth Cymru o 50% i 100%
Adeiladu llif cynaliadwy o aelodau staff y dyfodol
Cefnogi recriwtio lleol a chynllunio'r gweithlu

Datblygu Eich Staff

Cyfleoedd datblygiad proffesiynol i fentoriaid, cydlynwyr a Thiwtoriaid Ymarfer
Cyfleoedd arwain drwy grwpiau a phwyllgorau partneriaeth
Mynediad at hyfforddiant, adnoddau a chyfleoedd rhwydweithio

Cryfhau Eich Ysgol

Helpu i lunio dyfodol addysg athrawon yng Nghymru
Cyfrannu'n uniongyrchol at ddatblygu'r rhaglen a sicrhau ansawdd
Codi proffil eich ysgol fel canolfan ragoriaeth ar gyfer hyfforddi athrawon
Ymuno â rhwydwaith cynyddol o ysgolion ledled Cymru

“Mae’n fraint cadeirio Bwrdd TAR y Brifysgol Agored a gweithio gyda thîm mor angerddol. Mae’r rhaglen hon yn arloesol, yn gynhwysol, ac yn paratoi athrawon y dyfodol yn wirioneddol.”

— Richard Hatwood, Pennaeth, Ysgol Gynradd yr Holl Saint

Dod yn Ysgol Ardystio

Cefnogwch darpar-athro cyflogedig yn eich ysgol tra'n cael mynediad at grantiau cyflog Llywodraeth Cymru.

Lleoli Myfyriwr ar Leoliad

Darparwch brofiad addysgu gwerthfawr i ddarpar-athrawon a chefnogwch ddatblygiad gweithlu'r dyfodol.

Dod yn Diwtor Ymarfer

Cefnogwch ac aseswch fyfyrwyr-athrawon wrth rannu eich arbenigedd a'ch profiad.

Datblygiad Proffesiynol

Byddwch yn derbyn amryw o hyfforddiant ffurfiol ac anffurfiol gyda'r Bartneriaeth.

Mae ymuno â'r bartneriaeth yn llawer mwy na darparu lleoliadau i ddarpar athrawon. Drwy fod yn rhan o rwydwaith Cymru gyfan y Brifysgol Agored, byddwch yn cyfrannu at ddatblygu addysg athrawon yng Nghymru ac yn helpu i lunio cyfeiriad strategol y rhaglen.

Fel ysgol bartner, byddwch yn cael mynediad at:

Hyfforddiant ffurfiol ac anffurfiol ar gyfer staff
Cyfleoedd ymchwil a datblygu proffesiynol
Digwyddiadau rhwydweithio a rhannu arfer da
Cyfleoedd i gyfrannu at fyrddau, pwyllgorau a gweithgorau partneriaeth
Mynediad at arbenigedd academaidd ac ymchwil y Brifysgol Agored
Cysylltiad â phrifysgol sy'n cefnogi dros 200,000 o fyfyrwyr ledled y DU a thu hwnt

Mae'r bartneriaeth yn cynnig cyfle unigryw i ddylanwadu ar addysg athrawon, datblygu eich staff a chryfhau cysylltiadau rhwng ysgolion, ymchwil ac ymarfer.

Mae ein Hysgolion Arweiniol yn chwarae rhan allweddol wrth lunio a chefnogi'r bartneriaeth ledled Cymru: