Partneriaeth AGA Y Brifysgol Agored

Croeso i Bartneriaeth AGA y Brifysgol Agored

Rydym yn falch o gynnig y Dystysgrif Ôl-raddedig mewn Addysg (TAR) Cymru yn y Brifysgol Agored yng Nghymru. Wedi’i hachredu gan y Cyngor Gweithlu Addysg, rydym yn darparu Addysg Gychwynnol Athrawon (AGA) arloesol ledled Cymru. Os ydych yn dyheu am fod yn athro neu athrawes, mae ennill gradd neu TAR sy’n arwain at Statws Athro Cymwysedig (SAC) yn hanfodol — ac rydym yma i gefnogi’r daith honno.

Mae’r wefan hon wedi’i chynllunio ar gyfer ein ysgolion partner presennol neu partneriaid newydd yn ogystal â rhanddeiliaid ehangach. Mae hefyd yn darparu arweiniad manwl ar y llwybrau cyflogedig a rhan-amser, a fydd yn ddefnyddiol i ysgolion sy’n ystyried cymeradwyo neu lleoli darpar athrawon.

Pwy Ydym Ni

Mae Partneriaeth AGA y Brifysgol Agored yn cynnwys Y Brifysgol Agored, Y Brifysgol Agored yng Nghymru, a rhwydwaith eang o ysgolion partner a rhanddeiliaid addysgol. Yn ganolog i’r bartneriaeth hon mae ein darpar athrawon uchelgeisiol.

Gyda’n gilydd, rydym yn creu amgylchedd cyfoethog a chefnogol lle gall darpar athrawon ddatblygu’r sgiliau, y wybodaeth a’r hyder i ddod yn addysgwyr rhagorol. Mae ein rhaglen yn cyfuno trylwyredd academaidd â phrofiad ymarferol, gan baratoi myfyrwyr i gyflawni SAC naill ai ar lefel cynradd neu uwchradd. Mae ar gael yn llawn ledled Cymru a gellir ei hastudio naill ai drwy gyfrwng y Saesneg neu’r Gymraeg.

Ein Rhaglen

Mae ein rhaglen TAR ôl-raddedig dwy flynedd wedi’i chynllunio i feithrin myfyrio dwfn, hunanwerthuso a thwf proffesiynol ystyrlon.

Rydym yn cynnig dau lwybr hyblyg o astudio:

• Llwybr cyflogedig (seiliedig ar gyflogaeth)
• Llwybr rhan-amser

Mae’r ddau lwybr ar gael ar lefel cynradd ac uwchradd.