Gweithio gydag undebau llafur

Mae gan y Brifysgol Agored berthynas falch gydag undebau llafur yng Nghymru. Am sawl blwyddyn, rydym wedi gweithio gydag undebau i helpu eu haelodau i ddod o hyd i ddysgu gydol oes, cynllunio eu gyrfaoedd a datblygu sgiliau newydd.

Dysgu drwy eich undeb

Ewch i wefan dysgu ein hundeb

Os ydych yn weithiwr yng Nghymru, cewch wneud cais i gronfa dysgu undebau Cymru i gefnogi eich astudiaethau. Gellir defnyddio’r gronfa tuag at ficro-gymwysterau’r Brifysgol Agored, neu/a chwrs Mynediad, a all weithiau fod y cam cyntaf tuag at astudio am radd.

Barod am y Dyfodol

Mae Barod am y Dyfodol yn gwrs ar-lein, am ddim i helpu aelodau undebau llafur lywio eu gyrfaoedd eu hunain. Caiff ei gynnal amser cinio am awr yr wythnos, dros gyfnod o wyth wythnos.

Archebwch eich lle ar y cwrs nesaf

Mae dysgu am oes. Dylai pob gweithiwr gael y cyfle i uwchsgilio a magu hyder drwy ddysgu. Rydym yn edrych ymlaen at barhau â’n perthynas gref â’r Brifysgol Agored i gefnogi dysgwyr yn y gweithle ledled Cymru.

Shavanah Taj Ysgrifennydd Cyffredinol, TUC Cymru

Yn ystod y rhaglen, byddwch yn canolbwyntio ar wyth o sgiliau penodol fydd yn eich helpu i ganfod eich gwerthoedd, cryfderau a nodau. 

Rydym wedi datblygu Barod am y Dyfodol ochr yn ochr â rhai o undebau llafur Cymru.

Datblygiad proffesiynol parhaus

Mae gennym berthynas wych gyda chynrychiolwyr dysgu’r undeb, cynrychiolwyr gwyrdd, cynrychiolwyr iechyd a diogelwch a staff eraill yr undeb. Mae llawer ohonynt wedi ymuno â’n rhaglen Hyrwyddwyr OpenLearn i gael gwybod am ddysgu am ddim ac i rannu cyrsiau am ddim gyda’u haelodau. Rydym hefyd yn cynnig ystod o gyrsiau byr, micro-gymwysterau a chyrsiau Mynediad - sef y cam cyntaf tuag at astudiaeth ffurfiol i sawl un.

Cysylltwch â’r tîm