Gweithio gydag ysgolion yng Nghymru

Rydym yn gweithio gydag ysgolion ar hyd a lled Cymru i gefnogi disgyblion, teuluoedd a staff. 

Gall y cyfleoedd a gynigiwn gael eu hintegreiddio i flaenoriaethau ac amserlenni ysgolion, gan helpu dysgwyr i archwilio’u camau nesaf a datblygu sgiliau allweddol.

P’un a ydych yn fyfyriwr chweched dosbarth yn ystyried eich camau nesaf, yn athro’n chwilio am weithgareddau ystafell ddosbarth newydd, neu’n rhiant / gofalwr yn cefnogi’ch plentyn wrth ddatblygu’ch sgiliau eich hun, gallwn eich helpu. Mae hyn yn cynnwys helpu dysgwyr i gymryd eu camau nesaf i addysg uwch, boed yn gychwyn gradd israddedig neu’n ychwanegu at eu hastudiaethau presennol.

Sut ydym yn gweithio gydag ysgolion

Rydym yn gweithio gydag ysgolion ledled Cymru mewn nifer o raglenni:

Rydym yn darparu rhaglen o weithgareddau ar gyfer ysgolion ar hyd a lled Cymru, yn cefnogi’r cwricwlwm ac yn helpu dysgwyr i ddatblygu sgiliau newydd. Mae hyn yn cynnwys:

  • hwb y cyfryngau sy’n cyd-fynd â’r cwricwlwm
  • deunyddiau sy’n datblygu meddwl yn feirniadol, sgiliau’r dyfodol a llesiant y dysgwyr
  • prosiectau wedi’u teilwra ar gyfer y chweched dosbarth, 14-16 a’r blynyddoedd pontio.

Rydym wedi datblygu gweithgareddau RhGG i leihau’r baich ar staff, wrth ychwanegu gwerth i’ch addysgu.

Rydym yn gweithio’n agos gyda chydlynwyr Seren ac arweinwyr chweched dosbarth i gefnogi dysgwyr cyrhaeddiad uwch sy’n ystyried addysg uwch.

Mae ein gwaith yn cynnwys:

  • creu deunyddiau sgiliau academaidd
  • cynnig llwybrau OpenLearn wedi’u teilwra i helpu pobl i baratoi ar gyfer y brifysgol
  • cefnogi staff Seren drwy’r rhaglenni Hyrwyddwyr OpenLearn

Rydym yn helpu rhieni a gofalwyr i feithrin eu sgiliau a’u hyder. Gall hyn wella’r deilliannau i ddysgwyr a’u helpu nhw a chymuned yr ysgol yn ehangach.

Drwy sesiynau gydag ysgolion, byddwn yn siarad â theuluoedd am

  • gyrsiau ar-lein am ddim i helpu pobl i gael gwaith
  • gwahanol ffyrdd i oedolion gael mynediad i addysg uwch
  • hyder, sgiliau astudio a gweithdai cyflogadwyedd
  • dysgu hyblyg gyda'r Brifysgol Agored.

Mae gennym ddysgu hyblyg ar gyfer pobl ifanc, ar wahân i addysg anhraddodiadol, gan gynnwys:

  • cyrsiau OpenLearn am ddim sy’n gysylltiedig â diddordebau personol neu wahanol feysydd o’r cwricwlwm
  • adnoddau i helpu gyda llesiant, gwytnwch a hyder

canllawiau i ofalwyr, teuluoedd maeth ac oedolion sy’n cefnogi dysgwyr. Mae ein model dysgu hyblyg yn helpu dysgwyr i osgoi cael eu gadael ar ôl, ac i ddilyn llwybrau newydd i addysg bellach neu addysg uwch.

Cydweithredu

Ar hyn o bryd rydym yn datblygu partneriaethau newydd gydag ysgolion ar hyd a lled Cymru drwy gyfres o brosiectau peilot, sy’n ein helpu ni ddatblygu ffyrdd newydd i’w cefnogi. Mae’r rhain yn cynnwys:

  • peilot chweched dosbarth gyda chwech o ysgolion ar hyd a lled awdurdodau lleol Pen-y-bont ar Ogwr a Chaerffili, lle rydym yn darparu ein Rhaglen Gyfoethogi Genedlaethol Ysgolion (NEP)
  • peilot ymgysylltu â theuluoedd gyda phump o ysgolion cynradd ac un ysgol gyfun yn Abertawe, gan helpu rhieni i fagu hyder, datblygu sgiliau newydd ac archwilio llwybrau newydd i ddysgu.

Cysylltu â ni