Ein cenhadaeth ddinesig

Yn y Brifysgol Agored yng Nghymru, rydym eisiau sicrhau bod ein gwaith yn gwneud gwahaniaeth i bobl, i'r gymdeithas ac i’n planed. 

Dyma ein cenhadaeth ddinesig ni. Mae’n rhywbeth sy’n cyd-fynd yn berffaith â gwerthoedd y Brifysgol Agored.

I ni, mae cenhadaeth ddinesig yn seiliedig ar bum prif faes:

• Angen cymdeithasol wrth ei gwraidd: mae ein gwaith yn dechrau gydag adnabod a deall heriau bywyd go iawn.
• Cyd-greadigaeth â phartneriaid: mae ein prosiectau bob amser yn cael eu cyd-ddylunio i sicrhau eu bod yn berthnasol ac yn defnyddio gwahanol arbenigedd.
• Meithrin perthnasoedd parhaol: rydym yn buddsoddi yn ein cysylltiadau â phartneriaid yn yr hirdymor.
• Cysylltiedig ag amcanion cenedlaethol: mae ein gweithgareddau’n cyd-fynd â Deddf Llesiant Cenedlaethau’r Dyfodol (Cymru) a blaenoriaethau cenedlaethol eraill.
• Cyfranogiad myfyrwyr: rydym eisiau cynnwys mwy o fyfyrwyr yn ein gwaith dinesig, a all wella eu profiad dysgu. 

Dyma pam mae cenhadaeth ddinesig yn cyd-fynd â’r hyn yr ydym yn ei wneud:

• Mae’n rhan o’n DNA: yn ôl ein hamcanion, ein gwerthoedd a’n treftadaeth, nid ychwanegiad yn unig yw cenhadaeth ddinesig, ond hwn yw ein rheswm dros fod yma. 

• Gallwn gyrraedd bob cwr o Gymru: rydym wirioneddol yn sefydliad cenedlaethol, gyda myfyrwyr ymhob awdurdod lleol yng Nghymru. Mae hyn yn golygu y gallwn gyrraedd pobl a chymunedau ym mhobman.
• Mae ein cymuned yn amrywiol: mae ein myfyrwyr a’n staff yn dod o gefndiroedd amrywiol, sy’n cynnig cyfoeth o brofiadau.
• Gallwn ddefnyddio arbenigedd o bob rhan o’r DU: fel rhan o brifysgol fwy, sy’n adnabyddus o amgylch y byd, gallwn ddefnyddio’r ystod anferthol o sgiliau, profiadau, adnoddau a'r arferion gorau o bob rhan o bedair cenedl y DU.
• Ein ffordd o addysgu: mae ein model addysgu unigryw’n golygu y gallwn gyfuno llwybrau newydd o gyrraedd y brifysgol gyda gwneud gwahaniaeth i fywyd dinesig yng Nghymru.

Ni yw’r unig brifysgol yng Nghymru sy’n cael ei chynrychioli ym mhob un o'r Partneriaethau Ymgysylltiad Dinesig Rhanbarthol. Wedi’u hariannu gan Medr, mae’r rhain yn dod â phrifysgolion a cholegau rhanbarthol ynghyd â sefydliadau dinesig a darparwyr dysgu eraill i fynd i’r afael â heriau lleol.

• Mae gennym 110 o sefydliadau partner gwahanol ar draws sectorau sy’n rhan o brosesau cyd-ddylunio neu ymchwil, cyfnewid gwybodaeth ac ymgysylltiad.
• Rydym yn gweithio gyda phob un o’r 12 coleg addysg bellach yng Nghymru. Yn 2024-25, llwyddom i gyrraedd dros 3,500 o ddysgwyr.
• Trwy ein gwaith â sefydliadau eraill, rydym yn cynnig addysg am ddim i gartrefi a chymunedau ledled Cymru drwy ein cyrsiau OpenLearn a’n cyfres OpenTalks ar Youtube.

Dyma rai prosiectau diweddar gan y Brifysgol Agored yng Nghymru sy’n dangos sut mae ein gwaith yn cyfrannu at fframwaith cenhadaeth ddinesig Cymru.

Ysgolion, colegau ac amgylcheddau dysgu eraill

Datblygu dinasyddiaeth weithredol

Dinasyddiaeth weithredol

Rydym wedi datblygu casgliad o adnoddau am ddim i helpu pobl i feddwl yn feirniadol a chwarae rhan weithredol mewn democratiaeth yng Nghymru.

Tai a datgarboneiddio

Yn 2025, gweithiom gyda Tai Pawb i ddatgelu effaith technoleg datgarboneiddio ar denantiaid yng Nghymru.

Elwa Drwy Wirfoddoli

Rydym wedi cydweithio â thrydydd sector Cymru i ddatblygu rhaglen hyfforddiant wyth wythnos i wirfoddolwyr.

Menter gymdeithasol, sgiliau busnes a chyflogadwyedd