Y Brifysgol Agored yng Nghymru yn gweithio i gefnogi'r trydydd sector

Eleni, y Brifysgol Agored yng Nghymru yw prif noddwr gwobrau elusennau Cymru. Mae'r digwyddiad hwn yn rhoi'r cyfle i ddathlu gwaith a llwyddiannau  elusennau, grwpiau cymunedol, mudiadau nid-er-elw a gwirfoddolwyr yng Nghymru. Mae'r gwobrau yn cael eu trefnu gan WCVA, y sefydliad aelodaeth cenedlaethol ar gyfer y trydydd sector a gwirfoddoli yng Nghymru.

Mae'r categorïau eleni yn cynnwys Gwirfoddolwr y flwyddyn, Codwr Arian y flwyddyn a Hyrwyddwr amrywiaeth. Cynhelir y seremoni ar 25 Tachwedd 2024.

'Rydym yn falch o fod yn brif noddwr Gwobrau Elusennau Cymru eleni,' meddai Helen Thomas, Rheolwr Partneriaethau gyda'r Brifysgol Agored yng Nghymru. 'Mae'n bwysig iawn i ni bod y gwaith caled mae elusennau a sefydliadau trydydd sector yn cael eu cydnabod a'u dathlu. Rydym yn gobeithio meithrin y berthynas hon gyda WCVA a pharhau i gefnogi gwaith sefydliadau trydydd sector gyda'r cyfleoedd dysgu rydym yn gallu eu darparu.'

Hyfforddiant ar gyfer elusennau

Mae rhaglen hyfforddiant y Brifysgol Agored, 'Elw drwy Wirfoddoli, hefyd yn fod i ddechrau yr wythnos nesaf, yn dilyn cynllun peilot llwyddiannus yn gynharach eleni.

Mae'r rhaglen naw wythnos rhad ac am ddim yn helpu  gwirfoddolwyr i wella eu sgiliau proffesiynol a datblygu eu gyrfaoedd gwirfoddoli. Mae wedi ei gynhyrchu mewn partneriaeth â WCVA.

‘Drwy weithio gyda'n gilydd, rydymwedi creu dysgu hygyrch ar gyfer gwirfoddolwyr, gan gynyddu eu sgiliau, hyder ac ymwybyddiaeth o gyfleoedd i ddysgu,’ ychwanegodd Sara Sellek, Cyfarwyddwr Cynorthwyol gyda WCVA.