Adroddiad newydd yn dangos gwerth graddau mewn y celfyddydau a dyniaethau i Gymru

Mae papur newydd wedi herio rhagdybiaethau o raddau’r celfyddydau a’r dyniaethau, gan ddangos y gwerth y maent yn ei roi i’r economi a chymdeithas. 

Mae Newid y naratif: rhoi gwerth ar raddau yn y Celfyddydau a'r Dyniaethau, a gyhoeddwyd gan Gymdeithas Ddysgedig Cymru ar ran y Brifysgol Agored, yn amlygu pwysigrwydd sgiliau trosglwyddadwy y gall graddedigion y celfyddydau a’r dyniaethau eu cyflwyno i’r gweithle – gan gynnwys meddwl yn greadigol, meddwl dadansoddol, a llythrennedd technolegol.  

Ysgrifennwyd y papur gan Dr Richard Marsden a Dr Anna Plassart, uwch ddarlithwyr mewn Hanes yng Nghyfadran y Celfyddydau a Gwyddorau Cymdeithasol y Brifysgol Agored. Mae’n dilyn digwyddiad yng Nghaerdydd yn gynharach eleni, a gefnogwyd gan y Gymdeithas Ddysgedig a History UK, lle daeth academyddion, cyflogwyr, myfyrwyr a melinau trafod ynghyd i drafod sut mae graddedigion yn y sector hwn yn gwrth-ddweud rhai o’r naratifau camarweiniol am eu rhagolygon cyflogaeth.