‘Rydyn ni i gyd yn ceisio dod at ein gilydd. Rydyn ni fel un teulu mawr’ meddai prosiect cymuned Gurnos wrth y Brifysgol Agored

Mae digwyddiad cymunedol yn ystod yr hydref wedi helpu i ddathlu un o gymunedau mwyaf adnabyddus Cymru – y Gurnos ym Merthyr Tudful.

Daeth Dathlu Ein Gurnos â thrigolion ynghyd i siarad am eu hardal, i goffáu’r hyn sy’n ei gwneud yn arbennig, a thrafod sut yr hoffent iddi edrych yn y dyfodol. Ymhlith rhai o’r materion cyffredin yr oeddent yn eu trafod oedd graffiti, sbwriel, esgeuluso mannau gwyrdd – yn ogystal â’u balchder yn y Gurnos.

Bu dros 500 o bobl cymryd rhan mewn dros 45 o weithdai a gweithgareddau. Roedd 17 o sefydliadau partner a gweithwyr proffesiynol lleol hefyd yn cefnogi'r diwrnod.

Croesbeillio

Cynlluniwyd y digwyddiad yn dilyn cydweithrediad rhwng Y Brifysgol Agored yng Nghymru, cyfadran Gwyddoniaeth, Technoleg, Peirianneg a Mathemateg (STEM) y Brifysgol Agored, a sefydliadau lleol fel Cyngor Bwrdeistref Merthyr Tudful, Cartrefi Cymoedd Merthyr a phrosiect Llethrau Llon Cyfoeth Naturiol Cymru.

Trwy broses a elwir yn groesbeillio dan arweiniad y gyfadran, penderfynodd y sefydliadau partner ddefnyddio dulliau creadigol megis collage, adrodd straeon a phaentio i glywed gan drigolion.

Mae'r blogbost hwn gan Katerina Alexiou (uwch ddarlithydd STEM) yn esbonio mwy am y prosiect croesbeillio..

Staff using VR headsets — Staff proffesiynol mewn gweithdy rhith-realiti fel rhan o Greu Cyffro

‘Roedd Ein Gurnos yn wir ddathliad o’r ardal a’r bobl,’ meddai Sarah Roberts, cydlynydd partneriaethau’r brifysgol. ‘Yn dilyn proses ddylunio ar y cyd hynod gadarnhaol gyda sefydliadau ym Merthyr, roedd yn wych gweld cymaint o bobl yn cymryd rhan yn y gweithgareddau creadigol ac yn rhannu eu profiadau.’

‘Rydym wedi dysgu llawer o’r broses hon ac yn awyddus i weld sut y gall siapio’r gwaith rydym yn ei wneud gyda lleoedd eraill yng Nghymru.’

Creu Cyffro

Roedd Dathlu Ein Gurnos yn rhan o faes gwaith sy’n gysylltiedig â phrosiect Creu Cyffro – rhaglen hyfforddi diwydiannau creadigol ym Merthyr Tudful a ariennir gan Gronfa Adnewyddu Cymunedol Llywodraeth y DU.

Ochr yn ochr â’r digwyddiad, cyflwynodd y Brifysgol Agored yng Nghymru dri llinyn arall o waith hefyd, gan gynnwys gweithdai rhith-realiti, cerddoriaeth, ac ysgrifennu creadigol ar draws Merthyr Tudful.

Dyma ragor o wybodaeth am waith y Brifysgol Agored yng Nghymru drwy Creu Cyffro:

Cyflwynodd y tîm wyth gweithdy rhith-wirionedd (VR) i fyfyrwyr E-chwaraeon yn Y Coleg, Merthyr. Mae un o'r myfyriwr Celfyddyd Gain bu’n cymryd rhan bellach yn creu oriel VR o’i ffotograffiaeth. Mae'r Coleg hefyd yn archwilio'r posibilrwydd o ddefnyddio’r un meddalwedd i greu arddangosfa o'u cyrsiau i'w hanfon i ysgolion lleol.
Bu darlithwyr cyswllt yn y Brifysgol Agored gyflwyno 21 o weithdai cyhoeddus mewn Ysgrifennu Creadigol a Cherddoriaeth yng nghanolfan y celfyddydau a diwydiannau creadigol Redhouse, a leolir yng nghanol tref Merthyr.
Mynychodd saith gweithiwr proffesiynol hyfforddiant VR hefyd, gan gynnwys staff coleg, staff llyfrgell ac arweinwyr ieuenctid.

Mae Creu Cyffro wedi arwain gan Lles Merthyr. Mae'r Brifysgol Agored yn un o 10 partner cyflawni.

I glywed mwy am y rhaglen, gwrandewch ar bodlediad Creu Cyffro.

Request a prospectus

Explore our qualifications and courses by requesting one of our prospectuses today.

Request prospectus

Rhodri Davies
Senior Communications Manager,
Telephone: 029 2167 4532

For general OU media enquiries please contact the press office -
Telephone: 01908 654316 /
Out of office hours: 07901 515891

Person mewn cot labordy yn edrych i mewn i ficrosgop

Mae angen i brifysgolion addasu i ymdopi â heriau deallusrwydd artiffisial, medd academydd y Brifysgol Agored yng Nghymru

Bydd llyfr newydd a gynhyrchwyd gan grŵp o academyddion y Brifysgol Agored yn archwilio sut y gall prifysgolion gefnogi myfyrwyr i ddefnyddio technoleg newydd, ac ymdopi â'r heriau a ddaw yn sgil deallusrwydd artiffisial i addysg uwch.