Wrth i’r flwyddyn academaidd ddechrau, byddwch yn wyliadwrus o sgamiau cyllid sy’n targedu myfyrwyr

Pedwar cylch ar gefndir melyn, yn cynnwys arwydd rhybuddio coch a thri amlen gydag eiconau hysbysu, yn cyfleu brys.

Mae’r flwyddyn academaidd newydd ar fin dechrau. Os ydych yn cael cyllid trwy gyfrwng Cyllid Myfyrwyr Cymru, hoffem rybuddio ein myfyrwyr i fod yn wyliadwrus o sgamiau. 

Mae troseddwyr yn defnyddio sgamiau i dargedu myfyrwyr er mwyn ceisio cael gafael ar eu gwybodaeth bersonol, fel eu henw defnyddiwr, eu manylion banc a’u cyfrineiriau. 

Os ydych ar fin cael cyllid gan Gyllid Myfyrwyr Cymru, byddwch yn wyliadwrus ac yn ymwybodol o sgamiau posibl. 

Bydd troseddwyr yn ceisio defnyddio tair sgam wahanol, sef: ‘gwe-rwydo’, ‘SMS-rwydo’ a ‘llais-rwydo’. 

  • Fel arfer, caiff ‘gwe-rwydo’ ei wneud trwy e-byst. 
  • Fel arfer, caiff ‘SMS-rwydo’ ei wneud trwy negeseuon testun (SMS). 
  • Fel arfer, caiff ‘llais-rwydo’ ei wneud trwy alwadau ffôn.  

Gall y sgamiau hyn ddigwydd ar unrhyw adeg yn ystod y flwyddyn academaidd, ond mae dyddiadau talu ar ddechrau’r tymor yn gyfnodau poblogaidd. Isod, fe welwch rai awgrymiadau ar gyfer sut i adnabod sgamiau. 

Gwiriwch ansawdd y cyfathrebu 

Yn aml, mae camsillafu, gramadeg gwael neu atalnodi gwael yn arwydd o sgamiau ‘gwe-rwydo’. Tueddir i anfon e-byst neu negeseuon testun twyllodrus mewn sypiau er mwyn targedu llawer o bobl, a go brin y byddant yn cynnwys eich enw. Efallai y byddant yn dechrau gydag ‘Annwyl Fyfyriwr’ neu ‘Annwyl Ddefnyddiwr’. 

Os nodir bod angen ymateb i’r neges ar frys neu o fewn 24 awr 

Yn achos e-byst, negeseuon testun neu alwadau ffôn twyllodrus, nodir bod angen ymateb iddynt ‘ar frys’, ac yn aml gofynnir ichi glicio ar ddolen i ddilysu eich cyfrif neu gofynnir ichi ddarparu gwybodaeth – heb ichi wneud hynny, bydd eich ‘cyfrif yn cael ei gau o fewn 24 awr’. Mae’r mathau hyn o negeseuon yn ceisio creu panig fel ffordd o roi pwysau arnoch i ddarparu gwybodaeth bersonol.  

Meddyliwch cyn clicio 

Os cewch neges gan rywun nad ydych yn siŵr ohono, peidiwch â theimlo dan bwysau i ddarparu’r manylion y gofynnir amdanynt. Gallwch wastad chwilio am wybodaeth gyswllt swyddogol ar gyfer y cwmni cyllid myfyrwyr trwy edrych ar y wefan. Os gwelwch ddolen amheus mewn e-bost, gallwch hofran uwch ei phen i weld i ble y bydd yn eich tywys yn hytrach na chlicio arni. Y peth gorau i’w wneud bob amser yw mynd i lygad y ffynnon yn hytrach na dewis dolen beryglus. 

Byddwch yn ymwybodol o’r wybodaeth a rannwch 

Mae sgamwyr yn edrych ar wybodaeth bersonol sydd wedi’i phostio ar y cyfryngau cymdeithasol neu mewn mannau eraill ar-lein. Argymhellir na ddylech ddarparu mathau arbennig o wybodaeth ar-lein, fel eich enw olaf, eich dyddiad geni, eich cyfeirnod cwsmer neu eich cyfeiriadau. Os oes modd, peidiwch â rhannu ar-lein unrhyw ddyddiadau talu rydych wedi’u cael gan y cwmni cyllid myfyrwyr. 

Gallwch ddod o hyd i ragor o ganllawiau ar adnabod sgamiau trwy gyfrwng y Cwmni Benthyciadau i Fyfyrwyr (SLC) ar GOV.UK. Os cewch neges a allai, yn eich tyb chi, fod yn sgam, gallwch roi gwybod i uned Troseddau Economaidd y Cwmni Benthyciadau i Fyfyrwyr. Y cyfeiriad e-bost yw [email protected]. Hefyd, gallwch ffonio’r llinell gymorth bwrpasol ar 0300 100 0059. 

Gallwch ddod o hyd i ragor o ganllawiau cyffredinol ar dwyll a seiberdroseddu yma: 

Pwy yw’r Cwmni Benthyciadau i Fyfyrwyr (SLC)? 

Mae’r Cwmni Benthyciadau i Fyfyrwyr yn goruchwylio cyllid myfyrwyr ar ran y llywodraeth a gweinyddiaethau datganoledig y DU. Y cwmni hwn yw rhiant-sefydliad Cyllid Myfyrwyr Lloegr (SFE), Cyllid Myfyrwyr Cymru (SFW) a Chyllid Myfyrwyr Gogledd Iwerddon (SFni). 

Cymorth i fyfyrwyr yn y Brifysgol Agored yng Nghymru

Myfyriwr o bell gartref yn eistedd ar y gwely gyda gliniadur

Rydym eisiau ichi lwyddo yn eich astudiaethau gyda’r Brifysgol Agored, a chyrraedd eich potensial. Gwyddom fod dysgu o bell yn ffordd wych o gyfuno addysg gyda gwaith ac ymrwymiadau teuluol, ond nid ydym eisiau ichi deimlo eich bod ar eich pen eich hun.

Rhagor o wybodaeth

Gofynnwch am eich prosbectws

Darllenwch am ein cymwysterau a’n cyrsiau drwy ofyn am brosbectws heddiw

Gofyn am brosbectws

Rhodri Davies 
Uwch Reolwr Cyfathrebu
Ffôn: 029 21 674 532

Am ymholiadau cyfryngau cyffredinol Y Brifysgol Agored, cysylltwch â
swyddfa'r wasg
Ffôn: 01908 654316 /
Y tu allan i oriau swyddfa: 07901 515891

Dau berson yn siarad

Helpu ein myfyrwyr i ddechrau eu gyrfa

Dyma ddiweddariad ar rywfaint o’r gwaith y mae ein cynghorwyr cyflogadwyedd wedi ei wneud yn ddiweddar i baratoi ein myfyrwyr ar gyfer y byd gwaith.

Koren and Dean

Bron 600 o fyfyrwyr yn graddio yn seremoni Cymru y Brifysgol Agored

Milwr wedi ymddeol sy’n frwdfrydig dros hanes, a rhiant i bedwar sydd ar fin dechrau gradd Feistr mewn Adnoddau Dynol - dim ond dau o’r graddedigion gwnaethom eu cyfarfod heddiw.

See all