Lansio Academi Newydd i Rymuso’r Genhedlaeth Nesaf i Ysgogi Newid yng Nghymru

Mae’r Brifysgol Agored yn partneru â Choleg Penybont, Swyddfa Comisiynydd Cenedlaethau'r Dyfodol, ac Unloc, i lansio Newid - Academi Ysgogi Newid Cenedlaethau'r Dyfodol. Mae'r fenter hon wedi'i chynllunio i rymuso pobl ifanc ledled Cymru i arwain ar newid a llunio dyfodol cynaliadwy, yn unol â Deddf Llesiant Cenedlaethau'r Dyfodol (Cymru).

Gweledigaeth tîm yr Academi yw cefnogi pobl ifanc i arwain eu dyfodol eu hunain. Drwy greu cyfleoedd i gyfranogwyr ymgyrchu ar y 7 Nod Llesiant, bydd y rhaglen yw llenwi bwlch i ddysgwyr addysg bellach 16–25 oed. Mae'r llwybr newydd hwn yn cysylltu ag Academi Arweinyddiaeth Cenedlaethau'r Dyfodol genedlaethol sefydledig i’r rhai 18–30 oed, sydd eisoes wedi'i sefydlu gan swyddfa’r Comisiynydd. 

Bydd cyfranogwyr yn cymryd rhan mewn rhaglen cynnwys hyfforddiant arweinyddiaeth, meddwl yn feirniadol, a chyfiawnder cymdeithasol. Bydd yn cynnwys ffocws ar brosiectau sy'n ysgogi newid, wedi'u cynllunio i ddylanwadu’n lleol a chenedlaethol, mewn ymateb i rai o'r heriau mwyaf y mae pobl ifanc yn eu hwynebu. Gobeithio y bydd digwyddiad terfynol yn cael ei gynnal yn y Senedd, lle bydd aelodau’r rhaglen yn arddangos eu prosiectau.

Y tu hwnt i ddatblygiad personol, mae tîm yr Academi wedi ymrwymo i amrywiaeth, gan sicrhau bod pobl ifanc sydd leiaf tebygol o ymgysylltu â chymdeithas ehangach yn cael llwyfan, gan eu helpu i wneud gwahaniaeth gwirioneddol a gwella materion cymdeithasol sydd bwysicaf iddynt.

'Rhaid i lunio dyfodol gwell i Gymru fod yn flaenoriaeth frys a chyfunol a dyna pam rydyn ni mor falch o gefnogi’r cynllun peilot hwn, Newid, menter sy'n cyd-fynd yn agos â'r effaith hirdymor rydyn ni'n ymdrechu i'w chael fel tîm,' dywedodd Derek Walker, Comisiynydd Cenedlaethau'r Dyfodol.

Fel arweinydd ymchwil a gwerthuso, edrychwn ymlaen at ddarparu argymhellion sy'n seiliedig ar dystiolaeth ar gyfer y cyfnod ôl-beilot a chefnogi pobl ifanc wrth iddynt ddatblygu'r sgiliau a'r hyder i ysgogi newid gwleidyddol a chymdeithasol.

Dr Donna Smith Uwch Ddarlithydd mewn Gwleidyddiaeth

'Mae newid go iawn, parhaol yn digwydd pan fyddwn yn buddsoddi mewn pobl ifanc ac yn mwyhau eu lleisiau, a thrwy gefnogi eu syniadau a’u harweinyddiaeth heddiw, rydym yn helpu i feithrin Cymru fwy gwyrdd, cynhwysol a ffyniannus ar gyfer y cenedlaethau i ddod.'

'Ni fu erioed amser pwysicach i rymuso pobl ifanc i ddod o hyd i’w lleisiau a gwneud gwahaniaeth gwirioneddol i’w dyfodol ac i’w cymunedau,' ychwanegodd Joe Baldwin, Dirprwy Bennaeth Coleg Penybont. 'Mae Newid yn cynrychioli uchafbwynt mwy na blwyddyn o gydweithio a chynllunio gyda phartneriaid, gyda phobl ifanc yn llunio’r academi - rydym wrth ein bodd ein bod wedi lansio’r cynllun peilot.'

'Mae’r cydweithrediad hwn yn adeiladu ar ein hymchwil Heriau Cymdeithasol Agored i’r Rhai sy’n Ysgogi Newid ac adnoddau hyb  Dinasyddiaeth Weithredol ar ddemocratiaeth,' dywedodd Dr Donna Smith, Uwch Ddarlithydd mewn Gwleidyddiaeth yn y Brifysgol Agored. 'Fel arweinydd ymchwil a gwerthuso, edrychwn ymlaen at ddarparu argymhellion sy'n seiliedig ar dystiolaeth ar gyfer y cyfnod ôl-beilot a chefnogi pobl ifanc wrth iddynt ddatblygu'r sgiliau a'r hyder i ysgogi newid gwleidyddol a chymdeithasol.'