Gweinidog Cabinet yn ymuno â’r Brifysgol Agored am drafodaeth ar addysgu, cymunedau a’r Gymraeg

Neithiwr yn yr Eisteddfod Genedlaethol, soniodd y Gweinidog y Cabinet dros Addysg a'r Iaith Gymraeg, Anna Brychan AS am eu blaenoriaethau ar gyfer addysgu athrawon. Yr oedd hyn yn cynnwys ei bwriad i ddarganfod safbwyntiau gwahanol ar addysgu, wrth ochr cynllunio gweithlu ar gyfer y dyfodol. 

Roedd Gweinidog yn cymryd rhan mewn trafodaeth banel y Brifysgol Agored ar addysg athrawon, a'i phwysigrwydd i ddyfodol cymunedau Cymraeg eu hiaith.

Y panel

Yn ymuno â’r Gweinidog Cabinet oedd Matthew Evans, Pennaeth Ysgol Gyfun Gymraeg Glantaf; Tegryn Jones, Prif Weithredwr, Awdurdod Parc Cenedlaethol Arfordir Penfro; Nerys Defis, Tiwtor Cwricwlwm ar Raglen TAR y Brifysgol Agored; a Cai Fôn Davies, graddedig TAR y Brifysgol Agored.

Cadeiriwyd y digwyddiad gan Dr Gwenllian Lansdown Davies, Prif Weithredwr Dysgu, sefydliad dysgu proffesiynol cenedlaethol Cymru ar gyfer addysgwyr.

Mae cymhwyso fel athro a chael defnyddio’r Gymraeg bob dydd fel rhan o ‘ngwaith, yn bwysig iawn i fi, ac mae’r ffaith ‘mod i’n gallu trosglwyddo’r Gymraeg a’i holl fanteision i’r genhedlaeth nesaf yn fraint a dweud y gwir. 

Dwi’n teimlo bod dysgu yng yng Nghymru yn fwy o alwad na fysa fo taswn i’n dysgu mewn unrhyw wlad arall, oherwydd mae’r Gymraeg yn golygu lot i fi a’r ffordd dwi’n edrych ar y byd. 

Mae cael gweithio yn fy nghymuned fi fy hun hefyd - mewn oes lle mae pobl ifainc yn cael trafferth dod o hyd i swyddi yn eu milltir sgwâr – yn golygu lot i fi. Mae o’n elfen ychwanegol o ba mor bwysig yw hi i bobl ifainc allu aros yn eu cymunedau a gwneud gwahaniaeth.

Cai Fôn Davies Graddedig TAR y Brifysgol Agored