Crewyr o Gymru yn archwilio'r hyn y mae Cymru yn ei olygu iddyn nhw mewn arddangosfa newydd

Pobl yn sefyll gyda draig goch grefftus.

Beth mae Cymru yn ei olygu i chi? Ai ei thirwedd gyfoethog, ei thraddodiadau, neu ei threftadaeth ddiwydiannol? Neu, a yw'n fwy ynghylch Cymru gyfoes - boed hynny'n sgrech gitâr drydan, gorymdeithio mewn digwyddiad Pride, neu ddathlu ein sin gelfyddydol gyfoes?

Dyma rai cwestiynau y bu grŵp o grewyr yn eu hystyried fel rhan o arddangosfa newydd oedd ar ddangos yng Nghanolfan Mileniwm Cymru y mis ddiwethaf.


Mae'r grŵp Ein Cymru yn cynnwys oedolion gydag Anableddau Dysgu sy'n byw ar hyd a lled de Cymru. Mae llawer yn denantiaid i Gymdeithas Tai First Choice ac yn cael eu cefnogi gan Innovate Trust - darparwr byw â chymorth, sy'n darparu dull sy'n canolbwyntio ar y person o gefnogi'r gymuned. Mae Innovate Trust yn gweithio gyda phobl ag anableddau dysgu, awtistiaeth, ac anghenion ychwanegol eraill i gyflawni annibyniaeth yn y ffordd y maent ei eisiau. Mae Ein Cymru yn rhan o brosiect REACH y Brifysgol Agored yng Nghymru, sy'n cefnogi grwpiau o amgylch Cymru i ddysgu rhagor am eu treftadaeth drwy gelfyddydau a diwylliant. Caiff ei gyflwyno mewn partneriaeth ag Amgueddfa Cymru a'i ariannu gan Gronfa Dreftadaeth y Loteri Genedlaethol, diolch i chwaraewyr y Loteri Genedlaethol.

Collage of images from the Wales REACH exhibit

Ymhlith rhai o’r eitemau a arddangoswyd roedd:

  • Seinweddau rhyngweithiol i gyfleu cysylltiadau â Chymru
  • Archwiliad o gamlesi a'u pwysigrwydd i Gaerdydd a de Cymru
  • Baneri a chrysau-t wedi'u haddurno ar gyfer Pride Caerdydd eleni - ochr yn ochr â phyped draig wyth troedfedd a ddefnyddiwyd ar gyfer Carnifal Butetown.
  • Gwaith celf i adlewyrchu tirweddau Cymru sy'n newid yn gyson
  • Ffotograffiaeth o bob cwr o Gymru sy'n arddangos yr hyn sy'n bwysig i bobl yn eu cymunedau.

Cwrdd â rhai o'r tîm

Yma, cewch gwrdd â rhai o'r bobl sy'n gysylltiedig â'r prosiect:

Catherine

Emily

Zac

Beth mae partneriaid y prosiect yn ei ddweud

Dywedodd Nick French, Prif Weithredwr Innovate Trust:

"Bu'n bleser cael bod yn un o bartneriaid Prosiect Reach dros y ddwy flynedd ddiwethaf. Rwyf wedi gallu mynychu ychydig o sesiynau fy hun, ac roedd yn wych gweld pobl yr ydym yn eu cefnogi'n ymgysylltu mor gadarnhaol. Yn ogystal â chynyddu cyfranogiad, ac mewn sawl achos hyder, mae'r Prosiect wedi rhoi mynediad i unigolion at gyfleoedd a lleoedd na fyddent byth wedi ei gael fel arall.”

Dyfyniad Adrian Burke, Prif Weithredwr yn First Choice Housing Association:

“Ni ellir gwadu'r effaith y mae prosiect REACH Cymru wedi'i chael ar fywydau unigolion ag Anabledd Dysgu. Rydym wedi gweld sut mae'r sesiynau deniadol a chreadigol wedi galluogi pobl i ddod i adnabod Cymru, eu cymuned ac archwilio hunaniaeth ar lefel na fyddent wedi cael mynediad iddi o'r blaen. Mae gweld rhai cyfranogwyr prosiect yn mynd ymlaen i rolau cyflogedig gyda REACH Cymru yn ganlyniad gwych. Rwy'n gobeithio y bydd y prosiect yn ysbrydoli pobl eraill ledled Cymru i ymgysylltu â threftadaeth a'r celfyddydau.”

Os hoffech chi weld rhai o'r gweithiau celf o'r prosiect hwn, byddant ar ddangos yn Amgueddfa Hanes Genedlaethol Sain Ffagan yr hydref hwn.

Cefndir Cronfa Dreftadaeth y Loteri Genedlaethol

Ein gweledigaeth yw i dreftadaeth gael ei gwerthfawrogi, ei gwarchod a'i chynnal i bawb, nawr ac yn y dyfodol. Dyna pam, fel ariannwr mwyaf treftadaeth y DU, ein bod wedi ymroi i gefnogi prosiectau sy’n cysylltu pobl a chymunedau gyda threftadaeth, fel y nodir yn ein cynllun strategol, Treftadaeth 2033. Gall treftadaeth fod yn unrhyw beth o’r gorffennol mae pobl yn ei werthfawrogi ac yn awyddus i'w drosglwyddo i genedlaethau’r dyfodol. Mae gennym ffydd yng ngrym treftadaeth i sbarduno'r dychymyg, cynnig llawenydd ac ysbrydoliaeth, a meithrin balchder mewn lle a chysylltiad â’r gorffennol. 

Dros y 10 mlynedd nesaf, rydym yn bwriadu buddsoddi £3.6 biliwn a godwyd ar gyfer achosion da gan chwaraewyr y Loteri Genedlaethol er mwyn gwneud gwahaniaeth pendant i bobl, lleoedd a chymunedau.

Dilynwch @HeritageFundUK ar X, Facebook ac Instagram a defnyddiwch #LoteriGenedlaethol #CronfaDreftadaeth

Gofynnwch am eich prosbectws

Darllenwch am ein cymwysterau a’n cyrsiau drwy ofyn am brosbectws heddiw

Gofyn am brosbectws

Rhodri Davies 
Uwch Reolwr Cyfathrebu
Ffôn: 029 21 674 532

Am ymholiadau cyfryngau cyffredinol Y Brifysgol Agored, cysylltwch â
swyddfa'r wasg
Ffôn: 01908 654316 /
Y tu allan i oriau swyddfa: 07901 515891

Person sy'n defnyddio ffôn clyfar

Ydych chi'n hyderus yn defnyddio'ch ffôn clyfar?

Heddiw, mae mwy o ffonau symudol yn y byd na phobl. Ac eto i lawer, mae technoleg yn dal i deimlo'n ddryslyd neu'n fygythiol.

Ben Lewis

Ben Lewis yn cael ei henwi fel Cymrawd Cymdeithas Ddysgedig Cymru

Mae Cymdeithas Ddysgedig Cymru wedi enwi Ben Lewis, ein Pennaeth a Chyfarwyddwr Cenedlaethol yma yn y Brifysgol Agored yng Nghymru, ymhlith ei Chymrodyr newydd.

See all