Gofalu am Ofalwyr Cymru

Dyddiadau: Sadwrn, Mawrth 28, 2026 - 10:00 i 16:00
Lleoliad: Canolfan Marion, Rookwood Close, Llandaff, Cardiff, CF5 2NR
Cyswllt

Man canolog ar gyfer cyngor a chefnogaeth i ofalwyr plant niwrowahanol. Helpu i wella cefnogaeth ar gyfer gofalwyr di-dâl yng Nghymru.

Mae AP Cymru yn partneriaethu gyda’r Brifysgol Agored yng Nghymru ar gyfer y Digwyddiad Cymunedol Gofalu am Ofalwyr Cymru cyntaf. Fe’i cynhelir ar ddydd Sadwrn 28 Mawrth 2026 (10am-4pm) yng Nghanolfan Marion, Caerdydd. Bydd y digwyddiad yn dwyn ynghyd rhieni sy’n ofalwyr i blant niwrowahanol i un man canolog sy’n cynnig cyngor, gwasanaethau ac adnoddau - o therapi iaith a lleferydd, i therapi galwedigaethol, therapi chwarae, cyngor cyfreithiol ar hawliau gofalwyr a llawer mwy.

Ewch draw i’n Marchnadle Gofalwyr sydd ar gael drwy’r dydd i ymweld â’n stondinau niferus gan ddarparwyr gwasanaeth lleol, elusennau a grwpiau cefnogi, yn ogystal â chyngor a chynghorion craff gan arbenigwyr o’r Brifysgol Agored.

Mae tocynnau’n £5 ac yn cynnwys cinio* a lluniaeth, pecyn adnoddau am ddim, bag anrheg ‘Fy Amser i’, a mynediad awtomatig i’n raffl hunan-ofal. Mae gwobrau’n cynnwys triniaethau sba, gwasanaethau glanhau, talebau bwytai, a llawer mwy.

*Mae croeso i chi ddod â’ch bwyd a’ch diod eich hun os yw y byddai’n well gennych.

Gan gynnwys araith agoriadol gan Arglwydd Faer Caerdydd, Adrian Robson.

Agenda

Stori gymdeithasol gyda manylion cynllun Canolfan Marion

Cwestiynau cyffredin

E-bostiwch [email protected] gydag unrhyw ymholiadau eraill. Cofiwch fod croeso i chi ofyn unrhyw beth wrthym - rydym am i chi deimlo mor gyfforddus â phosib ac wedi paratoi ymlaen llaw cymaint â phosib.

Cofrestrwch nawr

Trefnwyr

Dr Claire Malcolm

Fy enw i yw Dr Claire Malcolm, ac rwyf yn Ddarlithydd yn y Brifysgol Agored. Rwyf hefyd yn fam falch i ddau o blant, ac mae gan un ohonynt awtistiaeth gymhleth.

Ysgrifennais lyfr ar y cyd yn ddiweddar o’r enw ‘Mothering at the Margins’, ac ynddo rwy’n manylu ar rai o’r heriau rwyf wedi’u hwynebu wrth frwydro am gefnogaeth ar gyfer fy merch. Mae digwyddiad cymunedol cyntaf Gofalu am Ofalwyr Cymru wedi’i ysbrydoli gan fy nyhead i wneud y daith hon at, drwy, a thu hwnt i ddiagnosis mor syml â phosibl ar gyfer plant niwrowahanol a’u teuluoedd, ac i gydnabod a dathlu gwaith anhygoel gofalwyr di-dâl yng Nghymru.

Karen Mills

Fy enw i yw Karen Mills. Fi yw cyfarwyddwr AP Cymru. Fe wnes i sefydlu’r elusen yn 2008 yn dilyn diagnosis fy mab ieuengaf. Cafodd fy mab hynaf ddiagnosis yn 2010, ac fe gefais fy niagnosis AuDHD fy hun yn 2018.

Mae gen i wybodaeth helaeth o awtistiaeth a chyflyrau tebyg, a hynny’n bersonol ac yn broffesiynol, ac rwy’n falch o waith fy nhîm wrth gefnogi plant niwrowahanol a’u teuluoedd. Rydym yn ymdrechu i greu byd niwro-gynhwysol ar gyfer plant, pobl ifanc a’u teuluoedd drwy ddarparu arweiniad, gwybodaeth a dealltwriaeth o niwroamrywiaeth drwy brofiad bywyd gwirioneddol.