Hyfforddiant Hyrwyddwyr OpenLearn

A ydych wedi ystyried dod yn Hyrwyddwr OpenLearn?

Rhaglen eirioli gan y Brifysgol Agored yng Nghymru yw Hyrwyddwyr OpenLearn. Rydym yn cynnig hyfforddiant rhad ac am ddim i staff a gwirfoddolwyr ar gyfer sectorau penodol er mwyn eich galluogi i gefnogi’r bobl y gweithiwch gyda nhw i gael gafael ar gyfleoedd dysgu ffurfiol ac anffurfiol trwy gyfrwng y Brifysgol Agored.

Bydd yr hyfforddiant yn arddangos gwefan OpenLearn, ein cartref ar gyfer astudio anffurfiol rhad ac am ddim lle cynigir mwy na 1000 o wahanol adnoddau, fel cyrsiau byr, erthyglau, gemau rhyngweithiol a fideos. Hefyd, byddwn yn cynnig gwybodaeth ynglŷn â sut i gynorthwyo unigolion sy’n dymuno cymryd y cam nesaf tuag at astudio’n ffurfiol gyda’r Brifysgol Agored.

I gael rhagor o wybodaeth, cysylltwch â [email protected] neu cymerwch gipolwg ar ein Hwb Hyrwyddwyr OpenLearn.

Byddwn yn anfon cyfarwyddiadau ymuno atoch ar ôl ichi gofrestru.